EDEN HAZARD ABEBA TUZO YA MWANASOKA BORA WA MWAKA CHELSEA

 Nyota: Bosi wa Chelsea,  Jose Mourinho akimpa zawadia Eden Hazard baada ya kuchaguliwa kuwa mchezaji bora wa mwaka

 

 

 Kipenzi cha mashabiki: Hazard aliifungia Chelsea mabao 14 katika michezo ya ligi na kumaliza katika nafasi ya tatu.

 

EDEN Hazard amechaguliwa kuwa mchezaji bora wa mwaka wa Chelsea katika msimu wake wa pili klabuni hapo.

Kiungo huyo wa kimataifa wa Ubelgiji amefurahia mafanikio ya msimu huu chini ya kocha Jose Mourinho na kufanikiwa kufunga mabao 14 katika michezo yote ya ligi kuu na kumaliza akiwa mfungaji bora wa klabu.

 Hazard aliyejiunga na Chelsea majira ya kiangazi mwaka 2012 akitokea klabu ya Lille ya Ufaransa, mwezi uliopita alishinda tuzo ya PFA ya mchezaji bora kijana wa mwaka na alishika nafasi ya pili nyuma ya Luis Suarez wa Liverpool katika tuzo ya mwanasoka bora wa mwaka nchini England.

Hazard alisema: ‘Nataka kusema asante sana”

“Wenzangu watatu waliotajwa walistahili tuzo hii. Tunafahamu tulicheza kwa ushirikiano, lakini tuzo binafsi wakati fulani ni nzuri, kwahiyo nitaichukua tuzo hii mpaka nyumbani kwangu na kufurahia pamoja na familia yangu”