Matumaini makubwa: Radamel Falcao ametabiriwa kufanya vizuri ligi kuu England
MSHAMBULIAJI wa zamani wa Newcastle na
Colombia , Faustino Asprilla amesema Radamel Falcao atapata mafanikio
makubwa Manchester United, licha ya matatizo ya majeruhi aliyoyapata
siku za karibuni.
Nyota huyo mwenye miaka 28 ambaye
alijiunga Old Trafford kwa mkopo akitokea Manaco siku ya mwisho ya
usajili wa majira ya kiangazi, alikosa kombe la dunia nchini Brazil
kutokana na majeruhi aliyopata mwezi januari mwaka huu.
Lakini, Asprilla anaamini kama Falcao atakuwa fiti, ataonesha kuwa Louis van Gaal hakufanya makosa kumsaini.
Mashine ya magoli: Kiwango cha Falcao akiwa Monaco kiliwavutia Man United na kumleta Old Trafford
Majukumu ya Taifa: Falcao alicheza kwa dakika chache dhidi ya Brazil katika mechi ya kirafiki ambayo Colombia ilipoteza 1-0.
Akizungumza na Sky Sports, Asprilla
alisema: "Ni haki kusema kuwa usajili wa Falcao Manchester United
ulimstaabisha kila mtu, lakini nina uhakika wamechagua mtu sahihi wa
kuwasaidia"
"Falcao ni mfungaji mkubwa, mmaliziaji asilia na ni miongoni mwa wachezaji wakubwa duniani katika nafasi hiyo"
"Atakuwa fiti kwasababu alipata muda mwingi wa kuimarika na kuna uhakika atakuwa fiti kwa asilimia 100"
"Naamini atafanya vizuri Manchester United"
Falcao anaweza kucheza mechi ya kwanza akiwa na United siku ya jumapili ambapo mashetani hao wekundu wataikaribisha QPR ya Harry Redknapp.
Sura inayofahamika: Faustino Asprilla, alikuwa moto mkali katika ligi ya England akiichezea Newcastle
0 comments:
Post a Comment