MAAMUZI YA PATRICK VIEIRA KUITOA MAN CITY UWANJANI BAADA YA FOFANA KUBAGULIWA, YAUNGWA MKONO NA MANUEL PELLEGRINI

+8

Seko Fofana (Jezi namba 8) alimpiga mchezaji wa kNHK Rijeka baada ya kubaguliwa.

Imechapishwa Julai 23, 2014, saa 6:32 mchana

Patrick Vieira alikuwa sahihi kukitoa nje ya uwanja kikosi cha wachezaji wa timu ya vijana ya Manchester City  baada ya wanandinga wake kuoneshwa vitendo vya ubaguzi wa rangi, amesema kocha Manuel Pellegrini.

Vieira alisimamisha mechi dhidi ya NHK Rijeka katika ziara yao nchini Croatia kujiandaa na msimu mpya baada ya kinda mwenye miaka 19, Mfaransa, Seko Fofana kubaguliwa.  

Pellegrini alisema: 'Sijui sana kuhusu hilo, lakini kama Patrick aliona ni sahihi kuwatoa uwanjani wachezaji, basi itakuwa kitu sahihi'.

+8

Kadi nyekundu: Fofana alioneshwa kadi nyekundu baada ya kumpiga mpinzani wake

+8

Alionesha msimamo: Patrick Vieira (wa tatu kushoto) akiingia uwanjani baada ya kusikia kilichotokea.

+8

Ngoma imeisha: Mechi iliahirishwa baada ya  Vieira kuwaongoza wachezaji wake kutoka nje ya uwanja nchini   Croatia

'Alitathimini hali halisi na alifanya kitu sahihi. Haiwezekani kuendelea kucheza wakati kitu kama hiki kimetokea'.

Fofana alitolewa nje kwa kadi nyekundu baada ya kumpiga mpinzani wake, lakini klabu imeeleza imani yake kuwa Fofana, kijana mwenye kipaji kikubwa, alibaguliwa kabla ya kutokea kwa tukio hilo. Tukio hilo lilitokea kabla ya mapumziko.

Maamuzi ya kuahirisha mechi yalichukuliwa na viongozi waliokuwa na kikosi hicho  na Vieira aliamua kumuunga mkono kinda huyo kwasababu alikuwa na mawazo mengi kutokana na tukio hilo.

Taarifa ya klabu jana jioni ilisomeka: 'Kikosi cha vijana chini ya miaka 20 cha Manchester City kilikuwa na mchezo dhidi ya  HNK Rijeka leo (jumanne) na imeahirishwa kutokana na tukio la kiungo kijana,  Seko Fofana  kubaguliwa na mchezaji wa timu pinzani'.

+8

Kinda: Fofana akiwa akionesha vitu vyake katika mechi dhidi ya  Chelsea ya vijana chini ya miaka 21 msimu uliopita.