MULLER AING'ARISHA UJERUMANI KUFUZU EURO 2016

MABAO mawili ya Thomas Muller yameipa Ujerumani ushindi wa 2-1 dhidi ya Scotland katika mchezo wa kufuzu fainali za Euro 2016.

Mshambuliaji huyo wa Bayern Munich aling'ara mno katika mchezo huo na kuendeleza mafanikio ya Ujerumani baada ya kutwaa Kombe la Dunia akifunga dakika za 18 na 70, wakati bao la Scotland limefungwa na Ikechi Anya dakika ya 66.

Nyota huyo alifunga mabao yake ya 24 na 25 katika mechi 58 dhidi ya Scotland iliyomaliza na wachezaji 10 baada ya Charlie Mulgrew kutolewa kwa kadi nyekundu dakika za majeruhi.

Mtaalamu: Thomas Muller akiifungia Ujerumani dhidi ya Scotland