Imechapishwa Julai 28. 2014, saa 3:48 alasiri
BRENDAN Rodgers amepotezea majadiliano kuwa
Liverpool itakuwa kwenye wakati mgumu baada ya Luis Suarez kutimkia Barcelona.
Mshambuliaji huyo aliyefunga mabao 31 katika mabao
101 ya klabu hiyo msimu uliopita alijiunga na miamba hiyo ya La Liga kwa dau la
paundi milioni 75 majira ya kiangazi mwaka huu.
Raheem Sterling alifunga bao pekee siku ya
jumapili ambapo Liverpool iliifunga bao 1-0 Oliompiacos ikimalizia kazi nzuri
ya Daniel Sturridige, wakati huo mshambuliaji mpya Lazar Markovic alionesha
kiwango kizuri katika mchezo wake wa kwanza.
“Nawaona wachezaji ambao walifunga mabao 70 msimu
uliopita. Ni rahisi sana,” Rodgers aliwaambia waandishi wa habari.
“Luis Suarez sio mchezaji wa Liverpool, kwahiyo
sitaki kuzungumzia au kumrejea Luis Suarez”.
“Nitakuwa na wasiwasi na wachezaji nilionao,
walioonesha kiwango kizuri msimu uliopita, hata tulipomkosa Luis, tuliweza
kufunga magoli. Haitakuwa tatizo”.
Rodgers alisema Sturridige, aliyefunga mabao 21
kwenye mechi za ligi kuu msimu wa 2013-14, ataweza kufanya kazi nzuri tena,
wakati huo aliwasifu Sterling na Markovic.
“Nimeona mabadiliko kwa Daniel tangu aliporudi,”
alisema. “Kiukweli amejiamini kutokea
kombe la dunia na msimu uliopita”.
“Nadhani yupo tayari kubeba majukumu. Alifunga
mabao 21 msimu uliopita, nadhani ni mshambuliaji wa thamani kubwa”.
“Markovic ataendelea kuwa bora na bora. Alionesha
uimara na tunaamini atakuwa mzuri zaidi atakapopata kasi na uharaka kwenye
mchezo wake, ataendelea vizuri na anakuja kumaliza”.
“Tumepata kasi nzuri. Raheen wakati wote ni hatari-anafurahisha kumtazama. Nadhani watatu hawa walifurahisha”.
0 comments:
Post a Comment