Tumelianzisha tena! Raheem Sterling anajua wazi kuwa anatakiwa kujithibitsha mwenyewe kuwa ni bora.
LICHA ya kuwa miongoni mwa wachezaji
wachache wa England waliorudi na heshima kutoka kombe la dunia, Raheem
Sterling amesisitiza kuwa anahitaji kuonesha kiwango kikubwa katika
klabu yake ya Liverpool msimu ujao.
Nyota huyo kinda mwenye miaka 19 alikuwa
miongoni mwa wachezaji wa Liverpool waliokaribia kutwaa ubingwa wa ligi
kuu ambapo walimaliza pointi mbili nyuma ya mabingwa Manchester City.
Sterling amejiunga na kambi ya mazoezi
iliyopo Boston akijua wazi kuwa kusajiliwa kwa wachezaji wapya
kunamaanisha nafasi yake haina uhakika.
Akizungumza na LFCTour.com, alisema:
"Bado natakiwa kujithitisha mwenyewe, kocha ameleta wachezaji ambao
wenye uwezo wa kucheza nafasi kama yangu, natakiwa kumuonesha kocha na
kujituma zaidi ili kupata namba ya kudumu katika timu".
Kivutio: Raheem Sterling amekuwa na mvuto tangu alipowasili katika kambi ya Liverpool iliyopo Boston.
"Hii ni klabu ya juu ikiwa na wachezaji
wa kiwango cha juu, ambao wamekuja kushindana siku zote. Hakuna utofauti
sana kwenye mazoezi"
"Kuna vitu vingi kutoka kwangu. Nahitaji
kujituma na natumaini nitapata namba msimu ujao na kufanya kila
linalowezekana kuisaidia klabu".
Sterling alijitambulisha mwenyewe katika
ulimwengu wa soka baada ya kuonesha kiwango cha huu kwenye mechi ya
ufunguzi ya kombe la dunia dhidi Italia ambapo walilala mabao 2-1,
lakini kijana huyo mwenye kipaji alicheza mpira mwingi mno.
Ushindani: Wachezaji wapya waliosajiliwa ni pamoja na Lazar Markovic (kushoto) ambao watampta presha Sterling
Raheem Sterling akichuana na mchezaji mwenzake wa England Daniel Sturridge wakati wa mazoezi Boston.
0 comments:
Post a Comment